لاہور (آن لائن)پاکستان مسلم لیگ (ن) کے سینئر رہنما اور سابق صوبائی وزیر قانون رانا ثناء اللہ نے کہا ہے کہ شیدا ٹلی عْرف چپڑاسی اپنا قد بڑھانے کیلئے شہباز شریف کے بارے میں بات کرتے ہیں۔اتوار کو سینئر لیگی رہنما نے اپنے ایک بیان میں وزیر ریلوے شیخ رشید کے بیان پر شدید ردعمل کا اظہار کرتے ہوئے کہا کہ وہ شیدا ٹلی عْرف چپڑاسی اور پنڈی کے شیطان کا پبلک اکاونٹس کمیٹی ( پی اے سی )میں خیر مقدم کریں گے۔

انہوں نے کہا کہ پنڈی کا شیطان ہی بیماری پر سیاست کر سکتا ہے، یہ شیدا ٹلی عْرف چپڑاسی عوام کو بتائیں کہ آپ اپنا طبی معائنہ کیوں نہیں کروا رہے۔واضح رہے کہ گزشتہ روز وزیر ریلوے شیخ رشید نے میڈیا سے گفتگو کرتے ہوئے کہا تھا کہ ’میں پارلیمنٹ کا سینئر ترین سیاستدان ہوں۔’ شہبازشریف تو پہلی مرتبہ منہ اٹھاکر قومی اسمبلی میں آگیا ہے،شہبازشریف کے پاس کیا تجربہ ہے ،شہبازشریف نے تو پٹواری،تھانے اور بیوروکریٹ کے گھروں میں گھس جانیکی سیاست کی ہے اوریہی ان کاتجربہ ہے۔وزیرریلوے نے کہا کہ 20سال پہلے جو بیماری شہبازشریف کو جو بیماری تھی آج بھی اس بیماری میں کوئی فرق نہیں آیا،شاید یہ بیماری اس لیے رکھتے ہیں کہ ضمانت میں آسانی ہو۔شیخ رشید نے کہا کہ ان کی بیماری کی بنیادی وجہ یہ ہیکہ جب ڈیل میں ناکام ہوگئیتوڈھیل کی طرف چل پڑے ،یہ ڈھیل کو اپنا حق سمجھتے ہیں،یہ بزنس مین سیاستدان ہیں،ان کوڈیل کرناآتی ہے،اب یہ ڈھیلنگ پراسس میں ہیں۔مسلم لیگ کے رانا ثنا اللہ اور خواجہ سعد رفیق کی شیخ رشید کا پی اے سی میں مقابلہ کرنے کیلئے پی اے سی ممبر بننے کی خواہش پر وزیر ریلوے نے کہا کہ دونوں کو فی الفور پی اے سی کا ممبر بنایا جائے۔ اتوار کو سینئر لیگی رہنما نے اپنے ایک بیان میں وزیر ریلوے شیخ رشید کے بیان پر شدید ردعمل کا اظہار کرتے ہوئے کہا کہ وہ شیدا ٹلی عْرف چپڑاسی اور پنڈی کے شیطان کا پبلک اکاونٹس کمیٹی میں خیر مقدم کریں گے۔