لاہور (آن لائن) 5 ہزار روپے رشوت کیس میں ملوث میٹر ریڈرر 10 سال بعد رہا۔ سپیشل سینٹرل عدالت کے جج محمد رفیق نے ملزم امیر حسین کو بری کرنے کا حکم دے دیا۔ لیسکو میٹر ریڈرر امیر حسین کو محمد وقاص سے 5 ہزار روپے رشوت لینے کا گرفتار کیا گیا تھا۔ ایف آئی اے کے مطابق ملزم پر الزام تھا اس نے مومن پورہ کے رہائشی محمد وقاص
سے 20 ہزار روپے رشوت طلب کی۔ تاہم 5 ہزار میں بات طے ہوئی لیکن وقاص نے شکایت کر دی، جس پر چھاپہ مار پارٹی نے ملزم کو رشوت لیتے ہوئے گرفتار کیا تھا۔ عدالت نے امیر حسین کو ناکافی ثبوتوں کی بنیاد پر بے گناہ قرار دیتے ہوئے بری کر دیا۔ ملزم امیر حسین کے خلاف 2009 میں رشوت ستانی کا کیس درج ہوا تھا۔
