لاہور ( این این آئی) لاہور ہائیکورٹ نے ای سی ایل میں نام ڈالنے اور نکالنے کا طریقہ کار فراہم کرنے سے متعلق کیس میں وفاقی حکومت اور نیب سے 20فروری کو جواب طلب کر لیا ۔جسٹس شاہد کریم نے اظہر صدیق کی درخواست پر سماعت کی ۔درخواست میں نیب اور وفاقی حکومت کو فریق بنایا گیا ہے۔درخواست گزار نے موقف اختیار کیا کہ حکومت کی جانب سے
ای سی ایل میں نام ڈالنے اور نکالنے سے متعلق معلومات فراہم نہیں کی جا رہی ہیں، متعلقہ محکمہ کو متعدد بار درخواستیں بھی دیں تاہم شنوائی نہ ہوئی،عدالت متعلقہ محکمہ کو ای سی ایل میں نام ڈالنے اور نکالنے سے متعلق معلومات فراہم کرنے کا حکم دے۔فاضل عدالت نے وفاقی حکومت اور نیب سے 20فروری کو جواب طلب کرتے ہوئے سماعت ملتوی کر دی ۔
