اسلام آباد(آئی این پی ) قومی اسمبلی میں مسلم لیگ(ن) کے رہنماء خواجہ سعد رفیق کی آمد پر ان کا پرتپاک استقبال کیا گیا ، جبکہ خواجہ سعد رفیق نے اپنی تقریر کا آغاز فیض احمد فیض کے اشعار ’’کرو کج جبین پہ سر کفن میرے قاتلوں کو گماں نہ ہو،کہ غرور عشق کا بانکپن پس مرگ ہم نے بھلا دیا ‘‘سے کیا ۔جمعرات کو قومی اسمبلی ہال میں خواجہ سعد رفیق کی آمد پر اپوزیشن ارکان نے ڈیسک بجا کر ان کا پرتپاک استقبال کیا،

خواجہ سعد رفیق نے اپوزیشن رہنماؤں سے مصافحہ کیا جبکہ مسلم لیگ(ن) کے ارکان اسمبلی خواجہ سعد رفیق سے ملنے کے لئے آئے ، خواجہ سعد رفیق نے اپنی تقریر کا آغاز فیض احمد فیض کے ان اشعار سے کیا ’’کرو کج جبین پہ سر کفن میرے قاتلوں کو گماں نہ ہو،کہ غرور عشق کا بانکپن پس مرگ ہم نے بھلا دیا،جو رکے تو کوہِ گراں تھے ہم، جو چلے تو جاں سے گزر گئے،رہِ یار ہم نے قدم قدم تجھے یاد گار بنادیا‘‘۔