اسلام آباد(مانیٹرنگ ڈیسک)پی ٹی آئی کے صوبائی وزیر راجہ بشارت سے تبادلے کیلئے کوئی رابطہ نہیں کیا، میں اور میرا بھائی انہیں نہیں جانتے، حنیف عباسی کی صاحبزادی ڈاکٹر اریبہ عباسی نے خاموشی توڑ دی، ایم ایس بینظیر بھٹو ہسپتال ڈاکٹر طارق نیازی پر سیاسی انتقام کا نشانہ بنانے کا الزام۔ تفصیلات کے مطابق ن لیگ کے ایفی ڈرین کیس میں عمر قید کی سزا بھگتتے رہنما حنیف عباسی کی صاحبزادی ڈاکٹر اریبہ عباسی نے اپنے استعفے کے
بعد صوبائی وزیر قانون راجہ بشارت اور ایم ایس بینظیر بھٹو ہسپتال ڈاکٹر طارق نیازی کی لیک ہونیوالی کال ٹیپ پر خاموشی توڑ دی ہے۔ نجی ٹی وی پروگرام میں گفتگو کرتے ہوئے ڈاکٹر اریبہ عباسی کا کہنا تھا کہ ایم ایس ڈاکٹر طارق نیازی نے آتے ہی مجھ سے سیاسی دشمنی نکالنا انتقام کانشانہ بنا شروع کر دیا، اسپتال میں میرا معاملہ کئی لوگ جانتے ہیں راجہ بشارت سے میں نے یا میرے بھائی نے کوئی رابطہ نہیں کیا نہ ہم ان کو جانتے ہیں۔
