لاہور(این این آئی ) سابق وزیر اعظم نواز شریف اور دیگر اہلخانہ نے نیب آفس میں شہباز شریف سے ملاقات کی۔قومی احتساب بیورو (نیب)لاہور کے دفتر میں ہونے والی ملاقات میں نواز شریف کے ہمراہ مریم نواز، حمزہ شہباز اور شریف فیملی کے دیگر افراد بھی تھے۔ذرائع کے مطابق شریف فیملی کی شہباز شریف سے ملاقات ایک گھنٹے سے زائد جاری رہی جس میں سیاسی صورتحال، نیب کیسز اور پارٹی معاملات بھی پر بات چیت کی گئی اور اہم

فیصلے کئے گئے۔خاندان کے افراد شہباز شریف کیلئے گھر سے کھانا ساتھ لائے تھے جس میں پالک گوشت، بریانی، قورمہ اور زردہ شامل تھا۔یاد رہے کہ پاکستان مسلم لیگ (ن)کے صدر و سابق وزیر اعلی پنجاب میاں شہباز شریف آشیانہ ہاسنگ اسکینڈل کے سلسلے میں 5 اکتوبر سے قومی احتساب بیورو (نیب)لاہور کی تحویل میں ہیں۔28 نومبر کو لاہور کی احتساب عدالت نے شہباز شریف کے جسمانی ریمانڈ میں 9 روز کی توسیع کی تھی۔