اسلام آباد(مانیٹرنگ ڈیسک)ڈالر کی قیمت میں اضافے کے بعد پاکستان پر غیر ملکی قرضوں کا بوجھ بھی بڑھ گیا، پی ٹی آئی کی سنچری پر 760اروب روپے قرضوں میں اضافےکا تحفہ عوام کو مل گیا ۔ تفصیلات کے مطابق انٹربینک میں ڈالر آٹھ روپے مہنگا ہو کر تاریخ کی بلند ترین سطح پر پہنچ گیااور یوں ایک امریکی ڈالر 142 روپے کا ہو گیاہے۔کرنٹ اکاؤنٹ خسارے کے باعث روپے کی قدر میں مسلسل کمی ہو رہی ہے اور ڈالر تاریخ میں پہلی مرتبہ 142 روپے
کی سطح پر پہنچ گیا۔معاشی تجزیہ کار وںکا کہنا ہے کہ آئی ایم ایف نے ڈالر اور روپے کی قدر میں توازن لانے پر زور دیا تھا اور بظاہر لگ رہا ہے کہ حکومت کی جانب سے ڈالر میں اضافے کو مینج کیا جارہا ہے اور ہم آئی ایم ایف پروگرام کی طرف جارہے ہیں۔ڈالر کی قدر میں یکمشت 8روپے اضافے کے بعد پاکستانی قرضوں میں 760اروب روپے کا بھی اضافہ ہو گیا ہے ۔ اور یوں معاشی تجزیہ کاروں کے مطابق مہنگائی کی ایک نئی لہر ملک میں آنے کا امکان ہے۔
