اسلام آباد(آئی این پی)حکومت کی جانب سے 100 دن کی کارکردگی کے حوالے سے منعقدہ تقریب میں بھی کر کٹ کے تذکرے،وزیر خزانہ اسد عمر نے کہا کہ وزیر اعظم عمران خان نے ٹاس جیت کر خراب موسم میں گرین پچ پر مجھے اوپننگ کیلئے بھیج دیا ،لگاتا اجلاسوں کی وجہ سے وزیر اعظم سیکرٹریٹ جاتے سینڈوچ بھی گاڑی میں کھاتا ہوں۔جمعرات کو کنونشن سینٹر اسلام آباد میں حکومت کی 100دن کی کارکردگی کے حوالے سے تقریب سے خطاب کرتے ہوئے وزیر خزانہ اسد عمر نے کہا کہ لوگ بولتے ہیں کہ پاکستان میں سب سے
مشکل نوکری تمہاری ہے،وزیر اعظم عمران خان نے خراب موسم میں گرین پچ پر جہاں گراؤنڈ بھی گیلا ہے اور گیند سوئنگ ہو رہی ہے ،ٹاس جیت کر مجھے اوپننگ کیلئے بھیج دیا ہے،انہوں نے کہا کہ لگاتا اجلاسوں کی وجہ سے وزیر اعظم سیکرٹریٹ جاتے سینڈوچ بھی گاڑی میں کھاتا ہوں، کام کرتے کرتے تھک گیا ہوں لیکن ایک سیکنڈ کیلئے بھی ذہن میں نہیں آیا کہ پی ٹی آئی کا وژن پورا نہیں ہوگا، محنت کرنے کی نیت ہو تو کامیابی اللہ دیتا ہے۔اسد عمر کے خطاب کے دوران دلچسپ پیرائے میں گفتگو پر شرکاء قہقہے لگاتے رہے۔
