کراچی(نیوز ڈیسک)گورنر سندھ عمران اسماعیل نے سڑک کنارے پڑے زخمی شخص کو دیکھ کر گاڑی رکوا کر باہر نکل آئے اور ایمبولینس منگوا کر اپنی زیر نگرانی زخمی شخص کو ہسپتال بھجوایا۔ بدھ کو گورنر سندھ عمران اسماعیل سڑک پر پڑے زخمی شخص کو دیکھ کر گاڑی سے نیچے اتر آئے، زخمی شخص دہلی کالونی کے
قریب سڑک پر پڑا تھا، گورنر سندھ نے متاثرہ شخص کے لیے ایمبولینس کے انتظامات کی ہدایت کی اور اپنی موجودگی میں زخمی کو جناح ہسپتال روانہ کیا ۔ واضح رہے کہ گورنر سندھ اسکوائش چیمپیئن شپ کے افتتاح کے بعد واپس جا رہے تھے۔ شہری گورنر سندھ عمران اسماعیل کے اس جذبے کو دیکھ کر حیران رہ گئے۔
