اسلام آباد(مانیٹرنگ ڈیسک ) لاہور میں پہلی اسپورٹس کنورٹیبل مرسیڈیز میرے لیے منگوائی گئی تھی ، نواز شریف نے فلیگ شپ ریفرنس میں عدالت میں پیشی کے موقع پر ایسا انکشاف کر دیا کہ سب ہکا بکارہ گئے۔ تفصیلات کے مطابق سابق وزیراعظم نواز شریف آج فلیگ شپ ریفرنس میں پیشی کیلئے اسلام آباد کی احتساب عدالت میں پیش ہوئے ۔ عدالت میں صحافیوں سے غیر رسمی گفتگو کرتے ہوئے نواز شریف کا کہنا تھا کہ لاہور میں پہلی اسپورٹس کنور ٹیبل مرسڈیز
میرے لئے منگوائی گئی تھی۔ نواز شریف نے صحافیوں سے بھی بات کی اور انہیں بتایا کہ 1967 میں والد کے کہنے پر عراق،ایران اور سعودی عرب کا دورہ کیا ،یہ باتیں بتانے کیلئے بہت سے گواہ بیان قلمبند کرانے کیلئے تیار ہوجائیں گے۔ان کا کہنا تھا کہ اتفاق فاؤنڈری 50کی دہائی میں زرعی آلات بنا رہی تھی ،ان کا کہناتھا کہ اتفاق فاؤنڈری ساٹھ کی دہائی میں آلات برآمد کرتی تھی،جنہوں نے 60 کی دہائی کے آغاز میں اتفاق فاؤنڈری کے آلات استعمال کئے وہ گواہ ہیں۔
