اسلام آباد (آئی این پی ) پاکستان میں چین کے ڈپٹی چیف آف مشن لیجیان چاؤ نے اعلان کیا ہے کہ کراچی میں قائم چینی قونصل خانے میں شہید ہونے والے پولیس اہلکاروں کے اہلِ خانہ کے لیے ہر چینی شہری ایک یوآن عطیہ کرے گا، پاک چین دوستی صرف باتوں کی حد تک نہیں بلکہ اس کی جڑیں دونوں ممالک کے عوام کے دل میں موجود ہیں،

پاک چین دوستی کو سبوتاژ کرنے کی کوشش کبھی کامیاب نہیں ہوگی۔ پیر کو تقریب سے خطاب کرتے ہوئے لیجیان چاؤ نے کہا کہ عطیات دینے والے افراد کا ماننا ہے کہ پاک چین دوستی صرف باتوں کی حد تک نہیں بلکہ اس کی جڑیں دونوں ممالک کے عوام کے دل میں موجود ہیں۔ ابہوں نے کہا کہ وہ دہشت گردوں کو پیغام دینا چاہیں گے پاک چین دوستی کو سبوتاژ کرنے کی کوشش کبھی کامیاب نہیں ہوگی۔ڈپٹی چیف آف مشن لیجیان چاؤ نے کہا کہ یہ تقریب پاکستان میں مقیم چینی شہریوں کی جانب سے رضاکارانہ طور پر منعقد کی گئی تھی۔انہوں نے کہا کہ وہ ان پولیس اہکاروں سے محبت کے لیے اظہار کے لیے یہاں موجود ہیں جنہوں نے کراچی میں قائم چینی قونصلیٹ حملے میں اپنی جان کا نذرانہ پیش کیا۔لیجیاں چاؤ نے کہا کہ وہ قانون نافذ کرنے والے اداروں اور حکومت کی جانب سے چینی باشندوں سے محبت پر شکریہ ادا کرنا چاہتے تھے ۔انہوں نے تقریب میں شرکت کرنے پر وزیر اطلاعات فواد چوہدری کا شکریہ بھی ادا کیا، ان کا مزید کہنا تھا کہ اس سے پاکستانی حکومت کے اقدام سے منسلک اہمیت کا اندازہ ہوتا ہے۔