برمنگھم(نیوز ڈیسک ) چیف جسٹس آف پاکستان جسٹس ثاقب نثار نے کہا ہے کہ ڈیمز کی تعمیر کے لیے بچوں سے لے کر بڑوں تک کا جذبہ 1965 کی جنگ جیسا ہے،یہ کوئی عام صورت حال نہیں بلکہ باقاعدہ مہم بن گئی ہے، آبادی پر قابو پانے اور منصوبہ بندی سے متعلق سپریم کورٹ میں 12 یا 13 دسمبر کو کانفرنس ہوگی، آبادی پر قابو پانے کے لیے بھرپور طریقے سے جدو جہد کریں گے ۔برمنگھم میں نجی ٹی وی سے گفتگو کرتے ہوئے چیف جسٹس میاں ثاقب نثار نے کہا کہ ڈیمز کی تعمیر کے لیے بچوں سے لے کر بوڑھوں
تک سب پاکستانی پرجوش ہیں، یہ کوئی عام صورت حال نہیں ایسا جذبہ شاید 65 کی جنگ میں نظر آیا تھا۔چیف جسٹس نے بتایا کہ آبادی پر قابو پانے اور منصوبہ بندی سے متعلق سپریم کورٹ میں 12 یا 13 دسمبر کو کانفرنس ہوگی ۔انہوں نے کہا کہ آبادی پر قابو پانے اور منصوبہ بندی کے لیے ایک ٹاسک فورس تشکیل دی گئی ہے جس میں ماہرین سمیت ہیلتھ سیکریٹری ریٹائرڈ کیپٹن سعید حصہ لیں گے، کانفرنس میں وزیراعظم بھی شامل ہوں گے تاہم آبادی پر قابو پانے کے لیے بھرپور طریقے سے جدو جہد کریں گے ۔
