اسلام آباد (این این آئی) پاکستان مسلم لیگ(ن) کے سینیٹر مشاہد اللہ خان نے کہا ہے کہ اسد عمر تو خود کو معیشت کا بڑا چمپئن سمجھتے تھے اب ڈالر کی قیمت کنٹرول کر کرے دکھائیں ٗعمران خان حکومت میں ہونے کے باوجود بھی اپنے آمرانہ اقدام پر قائم ہیں ۔

بدھ کو پارلیمنٹ ہاؤس کے باہر میڈیا سے گفتگو کر تے ہوئے مشاہد اللہ خان نے کہا کہ حکومت اورکابینہ بھی ابھی تک یہ نہیں سمجھ سکی کہ وہ ان کو ایک اہم ذمہ داری سونپی گئی ہے۔ انہوں نے کہا کہ اسد عمر کچھ ماہ پہلے اسحاق ڈار کو گالیاں دیتے تھے آج شرم کے مارے سامنے ہی نہیں آرہے۔انہوں نے کہاکہ ن لیگ کی حکومت نے زرمبادلہ کے زخائر 24ارب ڈالر تک لے کر گئی اور ڈالر کی بڑھتی قیمت کو کنٹرول کیا۔ انہوں نے کہا کہ اسد عمر تو خود کو معیشت کا بڑا چمپئن سمجھتے تھے اب وہ ڈالر کی قیمت کنٹرول کر کرے دکھائیں۔باتیں کرنے اور کام کرنے میں بہت فرق ہوتا ہے۔ پی ٹی آئی کی حکومت اس ملک پر تھوپی گئی ہے اور انہیں عوامی مینڈیٹ حاصل نہیں ہے اس لیے ان کو بھی عوام کی پریشانیوں کا ادراک نہیں ہے۔انہوں نے کہاکہ میں نہیں چاہتا کہ حکومت آئی ایم ایف کے پاس جائے کیونکہ عمران خان نے اعلان کیا تھا کہ اگر آئی ایم ایف جانا پڑا تو وہ خودکشی کر لیں گے ٗ ہم نہیں چاہتے کہ عمران خان خودکشی کریں۔عمران خان حکومت میں ہونے کے باوجود بھی اپنے آمرانہ اقدام پر قائم ہیں اور جو ان کے ذہن میں آتا ہے کسی سے مشورہ کیے بغیر بول دیتے ہیں جس پر انہیں شرمندگی اٹھانا پڑتی ہے پاکستان مسلم لیگ(ن) کے سینیٹر مشاہد اللہ خان نے کہا ہے کہ اسد عمر تو خود کو معیشت کا بڑا چمپئن سمجھتے تھے اب ڈالر کی قیمت کنٹرول کر کرے دکھائیں ٗعمران خان حکومت میں ہونے کے باوجود بھی اپنے آمرانہ اقدام پر قائم ہیں ۔