لاہور (نیوز ڈیسک ) پاکستان مسلم لیگ (ن) کے رہنما سینیٹر آصف کرمانی نے کہا ہے کہ حکومت نے غریب کے منہ سے نوالہ چھین لیا ، پی ٹی آئی دراصل جیرا بلیڈ کی حکومت ہے، غریب کی جیب کاٹنے کیلئے ان کے ہاتھ میں بلیڈ ہے،عمران خان گرفتاریاں کر کے شوق پورا کرلیں۔ پیر کو لاہور ہائی کورٹ آمد پر میڈیا سے مختصر گفتگو میں پاکستان مسلم لیگ ن کے رہنما آصف کرمانی نے کہا کہ حکومت نے غریب کے منہ سے نوالہ چھین لیا، سابق حکومت کی کارکردگی سب کے سامنے ہے۔آصف کرمانی نے کہا کہ
ہم عمران خان اور نیب میں کوئی فرق نہیں سمجھتے، دونوں ایک جیسے ہیں، عمران خان کو جتنی گرفتاریاں کرنی ہیں، گرفتار کر کے اپنا شوق پورا کرلیں۔میڈیا سے گفتگومیں آصف کرمانی نے پی ٹی آئی حکومت کو جیرا بلیڈ کی حکومت قرار دیتے ہوئے کہا کہ دراصل یہ جیرا بلیڈ کی حکومت ہے، غریب کی جیب کاٹنے کیلئے ان کے ہاتھ میں بلیڈ ہے۔یہاں یہ بات بھی قابل ذکر ہے کہ سابق وزیراعظم نواز شریف کی لاہور ہائی کورٹ میں ممکنہ پیشی کے موقع پر ن لیگی رہنماوں اور کارکنوں کی آمد کا سلسلہ جاری ہے۔
