خضدار(این این آئی) پاکستان آرمی میں 143پی ایم اے لانگ کورس کے تحت بھرتی کے لئے رجسٹریشن کا اعلان کردیا گیا ہے،رجسٹریشن کامرحلہ 8اکتوبر سے 9نومبر تک جاری رہیگا۔ پاک آر می سلیکشن و بھرتی سینٹر خضدار سے جاری ہونے والے اعلامیہ میں کہا گیا ہے کہ پاکستان آر می میں بھرتی کے لئے رجسٹریشن کاآغاز8اکتوبر سے ہورہاہے ،
جس کے لئے خواہشمند امیدوار 11نومبر تک اپنی رجسٹریشن کرواسکتے ہیں ، خواہشمند امیدوار رجسٹریشن کے لئے قریبی آرمی بھرتی سینٹر یا www.joinpakarmy.gov.pk ویب سائٹ پر آن لائن اپنی رجسٹریشن کراسکتے ہیں ۔آن لائن رجسٹرڈ ہونے والے امیدواروں کو ٹیسٹ تاریخ اور اوقات کارکے بارے میں بذریعہ ای میل بعد میں آگاہ کیا جائیگا ، رجسٹریشن کرتے وقت امیدوار اپنا ای میل ضرور منسلک کریں تاکہ ان کی ای میل پر انہیں اطلاع دی جاسکے۔ اعلامیہ میں کہا گیا ہے کہ صرف وہی امیدوار ٹیسٹ کے لئے اہل ہونگے کہ جن کے نمبر ایف اے ایف ایس سی بی اے بی ایس سی میں 60%فیصد ہوں جب کہ بلوچستان کے امیدواروں کے لئے رعایت دیتے ہوئے 55%فیصد نمبرمقرر کیا گیا ہے اسی طرح حاضر سروس آرمی ملازمین کے نمبرات50%فیصد ہوں ،امیدواروں کی قد کم از کم 5فٹ 4انچ ہونا لازمی ہے انٹر میڈیٹ یا اس کے مساوی امیدواروں کے لئے عمر کی حد 17سے 22سال گریجویشن پاس امیدواروں کے لئے 17سے 24سال جب کہ حاضر سروس آرمی ملازمین کے لئے 17سے 25سال ہونا لازمی ہے ۔اعلامیہ میں کہا گیا ہے کہ انٹری ٹیسٹ کی تاریخ اور اوقات کار کے بارے میں بعد امیدواروں کو اطلاع دی جائیگی ۔ پاکستان آرمی میں 143پی ایم اے لانگ کورس کے تحت بھرتی کے لئے رجسٹریشن کا اعلان کردیا گیا ہے،رجسٹریشن کامرحلہ 8اکتوبر سے 9نومبر تک جاری رہیگا۔
