اسلام آباد (آئی این پی )قومی احتساب بیورو(نیب )کی طرف سے مسلم لیگ نو ن کے صدر سابق وزیر اعلی پنجاب شہباز شریف کو جس کمپنی کو دیے گئے ٹھیکے کی منسوخی کی بنیاد پر گرفتار کیا گیا ہے شہباز شریف نے اس کمپنی اور اس کی شراکت دار کمپنی کو اورنج ٹرین لائن منصوبے میں بے ضابطگیوں پر بلیک لسٹ کر دیا تھا۔ذرائع کے مطابق شہباز شریف نے مقبول کولسن اور لطیف برادرز
نامی کمپنیوں کو اورنج ٹرین لائن منصوبے میں قواعد کی خلاف ورزی پر بلیک لسٹ کر دیا تھا جبکہ پشاور میں میٹرو منصوبہ تحریک انصاف کی حکومت نے مذکورہ دونوں کمپنیوں کو دیا ہے جو جوائنٹ وینچر کے ذریعے میٹرو پشاور پر کام کر رہی ہیں۔دوسری طرف نیب لطیف برادرز کو آشیانہ اقبال ہاؤسنگ سکیم کے کیس میں سابق وزیر اعلی شہباز شریف کے خلاف استعمال کر رہا ہے۔
