اسلام آباد(مانیٹرنگ ڈیسک) ایئرپورٹ سکیورٹی فورس کی خاتون اہلکار کو گانے پر رقص کرتے ہوئے ویڈیو انٹرنیٹ پر اپ لوڈ کرنا مہنگا پڑگیا،ویڈیو انٹرنیٹ پر وائرل ہونے کے بعد اے ایس ایف نے اس کا نوٹس لے لیا اور خاتون اہلکار کے خلاف تحقیقات شروع کردی گئیں۔اے ایس ایف حکام کے مطابق اس خاتون اہلکار کا نام ’زی‘ سے شروع ہوتا ہے اوراپنی ڈیوٹی سے آف اوقات میں ایئرگارڈ کی یونیفارم کے کچھ حصے پہن کر ویڈیو بنارہی تھیں۔
نجی ٹی وی کے مطابق اے ایس ایف کی ایک خاتون اہلکارکی ویڈیو انٹرنیٹ پر وائرل ہوئی ہے جس میں سیالکوٹ ایئرپورٹ پرتعینات خاتون اہلکار گانے’’تیری میٹھی میٹھی باتیں ہیں کمال کرگئیں،آنکھوں ہی آنکھوں میں توسوال کرگئی، ڈیلی دے کنے مردے نے تے کنے تو پہلا مارے نی ،نی ہائے نخرہ تیرا نی ‘‘ پر اپنی ویڈیو بنارہی ہے۔اے ایس ایف نے ویڈیو منظر عام پر آنے کے بعد اس اہلکار کو معطل کرکے اے ایس ایف نے ملازمین کے سوشل میڈیا کے استعمال پرہی پابندی لگا دی ۔
