اسلام آباد(آئی این پی) وزارت داخلہ نے سابق وزیرخزانہ سینیٹر اسحاق ڈار کی بیرون ملک سے گرفتاری کیلئے ریڈ وارنٹ کے اجراء کی منظوری دیدی،وزارت داخلہ کی ہدایت پر ایف آئی اے نے سینیٹر اسحاق ڈار کی گرفتاری کیلئے انٹرپول کو خط لکھ دیا ۔ذرائع کے مطابق نیب کی درخواست پر وزارت داخلہ نے سینیٹر اسحاق ڈار کے ریڈ وارنٹ کے اجراء کی منظوری دی ہے ۔ سیکرٹری داخلہ کی منظوری کے بعد کیس انٹرپول کو بھیجنے کیلئے ایف آئی اے
کو ہدایت کی گئی ۔ ذرائع کے مطابق ایف آئی اے نے اسحاق ڈار کی برطانیہ سے گرفتاری کیلئے انٹرپول کو خط لکھ دیا ہے ۔انٹرپول کو بجھوائے گئے خط کے ساتھ اسحاق ڈار کو احتساب عدالت کی طرف سے اشتہاری قرار دینے سمیت ان کے دائمی وارنٹ گرفتاری اور اثاثہ جات ریفرنس کی تفصیلات منسلک ہیں ۔ ایف آئی اے نے انٹرپول کے سیکرٹری جنرل کے فرانس میں واقع دفتر کو اسحاق ڈار کی گرفتاری کیلئے ریفرنس ارسال کیا ہے۔
