جہلم(مانیٹرنگ ڈیسک)جہلم کے ناکام جلسے پر عمران خان فواد چوہدری پر برہم، الیکشن نہ جیتے تو پارٹی عہدہ چھوڑنا پڑے گا، کپتان نےترجمان کو فیصلہ سنا دیا۔ تفصیلات کے مطابق جہلم کے ناکام جلسے پر عمران خان برہم ہو گئے ہیں اور انہوں نے تحریک انصاف کے مرکزی ترجمان اور جہلم سے انتخابی امیدوار فواد چوہدری کلاس لے ڈالی ہے۔ عمران خان نے فواد چوہدری کی کلاس لیتے ہوئے انہیں فوری طور پر مقامی قیادت کے تحفظات دور کرنے کی ہدایت کردی۔عمران خان نے فواد چوہدری کو

تنبیہ کرتے ہوئے کہا کہ اگر فوادچوہدری الیکشن نہ جیت پائے تو انہیں پارٹی عہدے کو خیرباد کہنا ہوگا۔واضح رہے کہ دو روز قبل تحریک انصاف کاجہلم میں پاور شوفلاپ رہا تھا۔ عمران خان جب جلسے سے خطاب کیلئے جہلم میں جلسہ گاہ پہنچے تو وہاں خالی کرسیاں ان کا منہ چڑا رہی تھیں۔ اس سے قبل بھی جہلم میں پاکستان تحریک انصاف کے جہلم میں جلسے خاص پذیرائی حاصل نہیں کرپائےتھے۔اس کی وجہ تحریک انصاف کی غیر مقبولیت نہیں بلکہ مقامی قیادت کے آپسی اختلافات ہیں۔