اسلام آباد (نیوز ڈیسک) معروف صحافی کامران خان نے شرط لگاتے ہوئے کہا کہ تحریک انصاف کو اگر حکومت ملی تو وہ قرضہ لینے کے لیے دوڑ پڑیں گے، انہوں نے سماجی رابطے کی ویب سائٹ ٹوئیٹر پر اپنے پیغام میں کہا کہ پی ایم کے لیے پسندیدہ عمران خان کے یقینی حلف اٹھانے میں دو ہفتے ہیں، نہ جانے کیسے دہشت گردی پوری قوت سے لوٹ آئی، ڈالر 130 کا ہو گیا، شرح سود بڑھ گئی، حلف اٹھاتے ہی پی ٹی آئی حکومت نئے قرضے لینے

آئی ایم ایف کی طرف دوڑے گی، پٹرول، بجلی ہر چیز ہو گی مہنگی ترین، یہ ہوگی پہلے نوے دن کی کارکردگی، لگی شرط۔ واضح رہے کہ تحریک انصاف کے چیئرمین عمران خان نے میانوالی کے جلسے میں پاکستان پر قرضوں کو سب سے بڑا مسئلہ قرار دیا اور ان قرضوں کا ذمہ دار انہوں نے آصف علی زرداری اور میاں نواز شریف کی کرپشن کو قرار دیاجبکہ معروف صحافی کامران خان کا کہنا ہے کہ تحریک انصاف کی حکومت بھی قرضے لے گی۔