پشاور(نیوز ڈیسک) عوا می نیشنل پارٹی کے رہنما ہارون بلور پر خود کش حملے میں اہم پیش رفت ہو ئی ہے ، دھماکے میں مبینہ سہولت کار کو حساس اداروں نے گرفتار کر لیا ہے ، جبکہ خودکش آور کی دھماکے سے قبل ہوٹل میں رہائش کی تفصیلات بھی حاصل کر لی گئیں ہیں، ذرائع کے مطابق سانحہ یکہ توت خود کش حملے کے بعد حسا س اداروں نے دھماکے کے سہولت کار رحیم عرف ابو اخلاص نامی شخص کو گرفتار کر لیا ہے ،
ذرائع کا کہنا ہے کہ ابو اخلاص نے ابتدائی تفتیش میں ابو حمام گروپ سے تعلق کی تصدیق کی ہے ، دوسری جانب سے خود کش حملہ آور کی دھماکے سے ایک رات قبل پشاور سٹی کے ایک ہوٹل میں رہائش پذیر ہونے کی تفصیلات حاصل کر لی گئی ہیں ، ذرائع کا کہنا ہے کہ حسا س اداروں کی جانب سے ہوٹل کے سی سی ٹی وہ کیمروں کی ریکارڈنگ تحویل میں لے گئیں ہیں جس سے خود کش حملہ آور کی ہوٹل میں موجودگی اور رات گزارنے کے بارے میں جانچ پرتال کی جا رہی ہے، دوسری جانب جوائنٹ انوسٹی گیشن ٹیم جس کی سربراہی ڈی آئی جی سی ٹی ڈی کر رہے ہیں جو کہ پیر تک اپنی رپورٹ جمع کر ینگے،پولیس اور سی ٹی ڈی کی مشترکہ ٹیموں کی جانب سے شہر میں مختلف مقامات پر سرچ آپریشنز کا سلسلہ بھی جاری ہے جنہیں کے نائن یونٹ کی معاونت بھی حاصل ہے، واضح رہے کہ منگل کے روز پشاور کے علاقہ یکہ توت میں اے این پی رہنما صوبائی حلقہ پی کے 78 سے امیدوار ہارون بلور پر خود کش حملہ کیاگیا تھا جس میں ہارون بلور سمیت 22 افراد شہید جبکہ 55 سے زائد افراد زخمی بھی ہوئے تھے ۔ عوا می نیشنل پارٹی کے رہنما ہارون بلور پر خود کش حملے میں اہم پیش رفت ہو ئی ہے ، دھماکے میں مبینہ سہولت کار کو حساس اداروں نے گرفتار کر لیا ہے ، جبکہ خودکش آور کی دھماکے سے قبل ہوٹل میں رہائش کی تفصیلات بھی حاصل کر لی گئیں ہیں
