فیصل آباد(نیوز ڈیسک)سابق صوبائی وزیر قانون رانا ثنا اللہ سکیورٹی خدشات کے باعث ریٹرننگ افسر کے سامنے پیش نہ ہوئے ،رانا ثنا اللہ کی جگہ ان کے داماداحمد شہریار پیش ہوئے۔تفصیلات کے مطابق ریٹرننگ افسر نے این اے 106 میں راناثنا اللہ کو طلب کر رکھا تھا لیکن سابق صوبائی وزیر قانون

سکیورٹی خدشات کے باعث پیش نہ ہوئے۔ریٹرننگ افسرنے استفسار کیا کہ رانا ثنااللہ خود کہاں ہیں،کیوں نہیں آئے؟،سابق وزیر قانون کے داماد نے بتایا کہ رانا ثنااللہ کو سکیورٹی خدشات ہیں ،ریٹر ننگ افسر نے کہا کہ آپ کہیں تو میں ان کو سیکیورٹی دینے کیلئے تیار ہوں ،تحریری درخواست دیں ، بعد میں فیصلہ دوں گا۔