اسلام آباد (مانیٹرنگ ڈیسک) نبیل گبول کا کہنا ہے کہ عمران خان نے ریحام خان کے معاملے میں میرے ساتھ زیادتی کی تھی، ایک نجی ٹی وی چینل کے پروگرام میں گفتگو کرتے ہوئے کہا کہ میں نے ریحام خان کو سنجیدہ ہو کر شادی کی آفر کی تھی مگر عمران خان نے ریحام خان سے شادی کر لی۔

پیپلز پارٹی کے رہنما نبیل گبول نے پروگرام میں بات چیت کرتے ہوئے کہا کہ ہمارے ملک کی سیاسی جماعتیں اور ان کے رہنما اپنے بنیادی مقاصد سے ہٹ گئے ہیں اور ان کامقصد صرف اور صرف کرسی کا حصول ہے اور ا س میں میڈیا ہاؤسز نے بھی کچھ کردار ادا کیا ہے۔ انہوں نے کہا کہ ایک میڈیا ہاؤس دیکھتے ہی دیکھتے نواز شریف کی مخالفت سے ہٹ کر عمران خان کا مخالف ہوگیا ہے۔ پہلے سب کی توجہ نواز شریف کی طرف تھی اور اب نواز شریف نے پتہ نہیں کیا گیم چلائی ہے کہ توجہ عمران خان کی طرف ہوگئی ہے۔ انہوں نے کہا کہ افتخار چودھری نے جو عمران خان کے خلاف درخواست دائر کی ہے اس کے ثبوت موجود ہیں۔ نبیل گبول نے زلفی بخاری کی حمایت میں بولتے ہوئے کہا کہ اس نے ایسا کون سا گنا ہ کردیا ہے کہ سارا میڈیا اس کے پیچھے پڑ گیا ہے اور اس کے پیچھے پڑنے کا مقصد عمران خان کے پیچھے پڑنا ہی ہے۔ نبیل گبول نے کہا کہ میں نے ریحام خان کو سنجیدہ ہو کر شادی کی آفر کی تھی مگر عمران خان نے میرے ساتھ زیادتی کی اس کو شادی کے لیے پروپوز میں نے کیا لیکن شادی عمران خان نے کر لی۔