راولپنڈی(آن لائن)سپریم کورٹ سے توہین عدالت میں 1ماہ قید کی سزا پانے والے سابق سینیٹر نہال ہاشمی کی اڈیالہ جیل سے رہائی کے موقع پر استقبال کے لئے آنے والے مسلم لیگ ن صوبہ سندھ کے جوائنٹ سیکریٹری سمیت 3افراد کی جیبیں کٹ گئیں جیل کے باہر لیگی کارکنوں کی شدید بد نظمی کے باعث جیب تراشوں کی چاندی رہی اس موقع پرنامعلوم جیب تراش بلدیہ ٹاؤن کراچی سے آئے ہوئے ن لیگ سندھ کے صوبائی

جوائنٹ سیکرٹری سلیم درانی کی جیب سے 2لاکھ روپے مالیت کے 3موبائل لے اڑے جس پر سلیم درانی نے میڈیا سے گفتگو کرتے ہوئے کہا کہ یہاں تو لیاری سے بھی بدتر حالات ہیں مجھے راولپنڈی والوں کی میزبانی تاعمریاد رہے گی مجھے اس بات کا ندازاہ نہیں تھا کہ راولپنڈی والے یہاں میری ڈبل دعوت کریں گے انہوں نے کہا کہ مجھے 2لاکھ کے موبائل نکلنے کا دکھ نہیں بلکہ میرا ڈیٹااور ریکارڈ کھونے کا افسوس ہے ۔