اسلام آباد (نیوز ڈیسک) راکھی گاج سے بیواٹا تک ڈبل روڈ بنانے کی تیاریاں مکمل کر لی گئی ہیں اس کے علاوہ لوہے کے پل بھی بنائے جا رہے ہیں۔ اگلے دو تین سالوں میں فورٹ منرو واقعی جنوبی پنجاب کا مری بن جائے گا کیونکہ پہلے اس کے راستے بہت خطرناک تھے،ڈی جی خان کے خصوصی پیکج کے تحت اس پر کام جاری ہے، دوسری طرف فورٹ منرو (Fort Munro) ڈیرہ غازی خان میں سطح سمندر سے 6470 فٹ کی بلندی پر ایک پہاڑی مستقر ہے۔یہ پاکستان کے صوبہ پنجاب کے شہر ڈیرہ غازی خان سے قریباً 85 کلومیٹر کے فاصلے پر ہے اور ملتان سے اسکا فاصلہ تقریباً 185

کلومیٹر ہے۔ فورٹ منرو جانے والا راستہ پاکستان میں ایک ’اوپن ائیر میوزیم‘ کا درجہ رکھتا ہے۔ اس پرفضاء مقام پر کبھی کبھی برف باری بھی ہوتی ہے۔ گرمیوں کے موسم میں جب جنوبی پنجاب میں سورج غضب کی گرمی برساتا ہے تو عوام کی ایک بڑی تعداد اس پر فضاء اور ٹھنڈے تفریحی مقام کا رخ کرتی ہے۔ فورٹ منرو کو اگر جنوبی پنجاب کا مری کہا جائے تو غلط نہیں ہو گا۔ فورٹ منرو میں سہولیات کی کمی ہے، اگر اس علاقے میں سہولیات فراہم کر دی جائیں تو اس علاقے کو پاکستان میں گرمیوں کی بہترین سیر گاہ (سمر ریزورٹ Summer Resort) میں تبدیل کیا جاسکتا ہے۔

موضوعات:فورٹ منرو