پشاور(این این آئی)وزیراعلی خیبرپختونخوا پرویزخٹک نے کہا ہے کہ کوئی بھی ڈینگی پر سیاست نہ کریں،پنجاب سے میڈیکل ٹیمیں بھجوائی گئی تاہم میرے ساتھ کسی نے رابطہ تک نہیں کیا،وزیراعلی نے ڈینگی وائرس سے جان بحق افرادکے لواحقین کے

لئے پانچ پانچ لاکھ روپے امداد کااعلان کریا۔وزیر اعلی خیبرپختونخوا پرویز خٹک علاقے ایم پی اے اور وزیر صحت کو لے کر ڈینگی سے متاثرہ علاقے تہکال پہنچ گئے ڈینگی سے جان بحق افراد کے لیئے پانچ پانچ لاکھ روپے کا اعلان کر دیا۔انکاکہنا تھا کہ کسی رابطے کے بغیر پنجاب حکومت ڈاکٹروں اور ٹیموں کو بھیج کر سیاست کی گئی ،ایم پی اے یاسین خلیل کے حجرے میں تہکال کے عوام سے خطاب کرتے ہوئے وزیر اعلی نے عوام کو تسلیاں دیں اور کہا کہ ڈینگی کے بارے روزانہ کی بنیاد پر معلومات لے رہے ہیں مگر ہم میڈیا پر آ کر شوشا نہیں کرتے۔ عملی کام کر رہے ہیں ہرہسپتال میں محکمہ صحت کا ایک افسر موجود ہو گا ہسپتال میں ہر قسم کے علاج کے میڈیسن فری کر دیئے گئے ہیں۔انہوںنے کہا کہ عوامی سطح پر ڈینگی کے خلاف آگاہی بہت ضروری ہے تمام صوبے ڈینگی پر سیاست نہ کریں۔ وزیر اعلی نے پنجاب حکومت سے شکایات کے امبار رکھ دیئے اور کہا کہ پنجاب سے سامان آتا ہے مگر میرے ساتھ کوئی رابطہ نہیں کرتا اگر پنجاب میں کچھ ہوتا ہے تو کیا میں ان کو بتائے بغیر ٹیمیں بھجوادوں گا ۔وزیر اعلی پرویز خٹک نے ڈینگی سے جان بحق ہونے والے افراد کے لواحقین کے لئے پانچ پانچ لاکھ روپے امداد کا اعلان بھی کیا ۔