اسلام آباد (این این آئی)وزیر مملکت اطلاعات مریم اورنگزیب نے کا ریلی میں بچے کی ہلاکت کے واقعہ پر گہرے دکھ اور افسوس کا اظہار کرتے ہوئے کہاہے کہ محمد نواز شریف نے مقامی لیگی قیادت کو بچے کے لواحقین کے گھر فوری پہنچے کی ہدایت کی ہے۔ جاری بیان کے مطابق وزیرمملکت مریم اورنگزیب نے سابق وزیراعظم کی کار ریلی میں بچے کی ہلاکت کے واقعہ پر دکھ اور افسوس کا اظہار کرتے ہوئے کہاہے کہ سابق وزیراعظم محمد نواز شریف نے مقامی لیگی قیادت کو بچے کے لواحقین کے گھر فوری پہنچے کی ہدایت کی ہے۔

انہوں نے کہا کہ وزیراعلیٰ پنجاب محمد شہباز شریف نے بھی انتظامیہ کو واقعے کی تفصیلات جلد فراہم کرنے کا حکم دیا ہے۔دریں اثناء وزیراعلیٰ پنجاب محمدشہبازشریف نے لالہ موسی میں گاڑی کی ٹکر سے 12سالہ بچے حامد کے جاں بحق ہونے کے واقعہ پرگہرے دکھ اور افسوس کا اظہارکیا ہے۔وزیراعلی نے جاں بحق بچے کے لوا حقین سے دلی ہمدردی او راظہار تعزیت کیا ہے ۔وزیراعلی نے واقعہ کا نوٹس لیتے ہوئے ڈی پی او گجرات سے رپورٹ طلب کرلی ہے اور واقعہ کی ہر پہلو سے جامع تحقیقات کا حکم دیا ہے ۔