لاہور (مانیٹرنگ ڈیسک ) تحریک انصاف دوبئی سے وزیر اعظم کے خلاف مزید ثبوت لے آئی ، پی ٹی آئی کے رہنما ڈاکٹر بابر اعوان کہتے ہیں نئے ثبوت عمران خان کی مشاورت سے استعمال کیے جائیں گے ، حکمران خاندان کا کائونٹ ڈائون شروع ہوچکا ہے ، گارڈ فادر ون اور گارڈ فادر ٹو مستعفی ہو جائیں ،تحریک انصاف پانامہ کیس میں پیش پیش ہے ، سینیٹر اعظم سواتی کے ذریعے دوبئی سے مزید ناقابل تردید ثبوت منگوا لیے ہیں جس کے بعد لیگی اراکین کی دوڑیں لگی ہوئی ہیں ۔
نجی ٹی وی کی رپورٹ کے مطابق ڈاکٹر بابر اعوان ، اپوزیشن لیڈر میاں محمود الرشید اور میاں اسلم اقبال نے پریس کانفرنس میں ثبوت میڈیا کو بھی دکھا دیئےہیں ۔ ڈاکٹر بابر اعوان کہتے ہیں کہ پاناما کیس گیم چینجر ہے ۔ وزیر اعظم کے خلاف مزید ثبوت منگوا لیے ہیں ، نئے ثبوت کب استعمال کرنا ہیں یہ فیصلہ عمران خان کریں گے ۔ڈاکٹر بابر اعوان کا کہنا تھا شریف خاندان کی منزل اب جدہ نہیں اڈیالہ جیل ہے ، حکمران خاندان سپریم کورٹ میں کسی سوال کا جواب نہیں دے سکا۔
