اسلام آباد (مانیٹرنگ ڈیسک) بنی گالا میں عمران خان کے سکیورٹی سٹاف نے میرے ساتھ کیا شرمناک سلوک کیا؟ تفصیلات کے مطابق بنی گالا میں پاکستان تحریک انصاف کے چیئرمین عمران خان کے پرسنل سیکورٹی سٹاف نے بنی گالہ میں پریس کانفرنس سے قبل ایک معروف اخبار کے سینئر فوٹو گرافر راجہ مدثر کے ساتھ بدتمیزی کی۔ سینئر فوٹو گرافر راجہ مدثر نے بتایا کہ جب وہ پاکستان تحریک انصاف کے چیئرمین کی پریس کانفرنس کی کوریج کے لیے بنی گالا پہنچے تو میڈیا کارڈ دکھانے کے باوجود سکیورٹی سٹاف نے
ان سے بدتمیزی کے علاوہ انہیں زد و کوب کیا اور ان کے کپڑے بھی پھاڑ دیے۔ یہاں موجود صحافیوں نے اس واقعہ پر اپنی تشویش کا اظہار کیا اور کہا کہ اس طرح کے واقعات کی روک تھام کے لیے عملی اقدامات کیے جائیں، صحافیوں نے راجہ مدثر سے اظہار یک جہتی کا اظہار بھی کیا، اس کے بعد راجہ مدثر نے تحریک انصاف کے چیئرمین عمران خان سے اس واقعہ کی شکایت کی اور ان سے مطالبہ کیا کہ ذمہ داران کے خلاف سخت کارروائی کی جائے۔ صحافتی تنظیموں نے بھی اس واقعہ کی شدید الفاظ میں مذمت کی ہے۔
