اسلام آباد (مانیٹرنگ ڈیسک)دہشتگردی سے کوئی تعلق نہیں اور نہ ہی کبھی دہشتگردی کی حمایت کی، امریکی پابندیاں بدنام کرنے کی بھارتی سازش کا حصہ، بھارت خود نہتے و بیگناہ کشمیریوں کے قتل عام جیسی ریاستی دہشتگردی میں ملوث ہے، حزب المجاہدین کے سربراہ سید صلاح الدین کا تقریب سے خطاب۔ تفصیلات کے مطابق حزب المجاہدین کے سربراہ سید صلاح الدین نے کہا ہے کہ ان کا دہشتگردی سے کوئی تعلق نہیں اور نہ ہی دہشتگردی کی انہوں نے کبھی حمایت کی ہے۔ ان کا کہنا تھا کہ امریکہ کی
جانب سے بلاجواز پابندی لگا کر انہیں بدنام کی اگیا جو کہ درحقیقت بھارتی سازش کا حصہ ہے۔ بھارت خود مقبوضہ کشمیر میں انسانی حقوق کی خلاف ورزیوں کا مرتکب ہو رہا ہے اور نہتے کشمیریوں پر ظلم و ستم کے پہاڑ توڑ رکھے ہیں۔ سید صلاح الدین کا کہنا تھا کہ بھارت کشمیریوں کی نسل کشی کا مرتکب ہو رہا ہے اور مقبوضہ کشمیر میں بدامنی کا ذمہ دار بھارت ہے ۔کشمیری کبھی اپنے حق خودارادیت سے دستبردار نہیں ہونگے ان کی منزل آزادی ہے اور وہ منزل تک پہنچ کر رہیں گے۔
