اسلام آباد(مانیٹرنگ ڈیسک)آرمی چیف آف اسٹاف جنرل قمر جاوید باجوہ نے لائن آف کنٹرول پر جوانوں کے ساتھ سادگی سے عید منائی۔پاک فوج کے تعلقات عامہ سے جاری بیان میں کہا گیا ہے کہ آرمی چیف نے لائن آف کنٹرول پر جوانوں کے ساتھ نمازِعید ادا کی اور ان کے ہمت و حوصلے کو سراہا۔لائن آف کنٹرول پر ہونے والی نماز میں پاکستان کے استحکام کے لیے خصوصی دعائیں بھی کی گئیں، آرمی چیف نے جوانوں کو عید کی مبارک باد دی اور سب سے گلے بھی ملے۔اس موقع پر جوانوں نے انہیں اپنے درمیان پاکر مسرت کا اظہار کیا اور انہیں عید کی مبارک باد پیش کی۔اس سے قبل آرمی چیف جنرل قمرجاویدباجوہ نے ملک میں ہونے والے حالیہ دہشت گردی اور سانحہ احمد پورشرقیہ کے متاثرین کے ساتھ اظہار یکجہتی کیلئے عید سادگی سے منانے کا فیصلہ کیا تھا۔

موضوعات:آرمی چیف جنرل باجوہ