اسلام آباد(مانیٹرنگ ڈیسک)وزیراعظم نواز شریف کی پانامہ جے آئی ٹی میں پیشی سے قبل قریبی ساتھیوں سے ملاقات۔ تفصیلات کے مطابق وزیراعظم نواز شریف کی پانامہ جے آئی ٹی میں پیشی سے قبل ان سے وزیراعظم ہائوس میں اسحٰق ڈار، خواجہ آصف، پرویز رشید سمیت دیگر وزراء اور پارٹی رہنماؤں نے ملاقات کی ہے۔ ملاقات کی تصاویر وزیراعظم کی صاحبزادی مریم نواز
نے سماجی رابطوں کی ویب سائٹ ٹوئٹر پر شیئر کی ہیں۔ وزیراعظم جے آئی ـٹی میں پیشی کیلئے جوـڈیشل اکیڈمی پہنچ چکے ہیں۔ اس موقع پر ان کے ہمراہ وزیراعلیٰ پنجاب شہباز شریف ، حمزہ شہباز، وزیراعظم کے پرنسپل سیکرٹری فواد حسن فواد تھے۔ وزیراعظم بغیر پروٹوکول جوڈیشل اکیڈمی پہنچے جبکہ اس موقع پر سکیورٹی کے انتہائی سخت انتظامات کئے گئے ہیں۔
