ہری پور(مانیٹرنگ ڈیسک) صوبہ ہزارہ کی تحریک کے سربراہ باباحیدرزمان نے کہاہے کہ عمران خان کو14مئی کوایبٹ آبادمیں جلسہ نہیں کرنے دینگے ۔ایک نجی ٹی وی سے گفتگوکرتے ہوئے باباحیدرزمان نے کہاکہ عمران خان نے ہزارہ کے لوگوں کودھوکہ دیاہے اس لئے ان کوکسی صورت ایبٹ آبادمیں جلسہ نہیں کرنے دیاجائے گا۔انہوں نے کہاکہ عمران خان کی ہربات جھوٹ کاپلندہ ہوتی ہے ۔ہم نے عمران خان

پراعتمادکیاتھاکہ ہمارے ساتھ دھوکہ کیاگیا۔انہوں نے کہاکہ اگرتحریک انصاف نے ہمارے ساتھ کوئی چھیڑچھاڑکی تواینٹ کاجواب پتھرسے دینگے ۔انہوں نے کہاکہ ہزارہ کےعوام عمران خان کااصل چہرہ دیکھ چکے ہیں ۔عمران خا ن نے تبدیلی کے نام پرکچھ نہیں کیا۔انہوں نے کہاکہ عمران خان 14مئی کوبھی وہی اعلان کرینگے جوانہوں نے گزشتہ انتخابات میں کئے تھے ،ان کے پاس عوام کودینے کےلئے کچھ بھی نہیں ہے ۔