سرگودھا (این این آئی) درگاہ علی محمد گجر پر گدی نشین کے تشدد سے زخمی ہونے والے زائرین نے انکشاف کیا ہے کہ بابا جی پہلے بھی اکثر مریدوں کو تھپڑ مارتے اور گالیاں دیتے تھے ۔میڈیا رپورٹ کے مطابق سرگودھا کے نواحی علاقے چک 95شمالی میں درگاہ علی محمد گجر پر گزشتہ رات گدی نشین عبدالوحید کے تشدد سے زخمی ہو کر سول ہسپتال میں

زیر علاج زائرین نے بتایا کہ ’’ بابا جی پہلے بھی اکثر تھپڑ مارتے تھے توہم لوگ سمجھتے تھے کہ جلال میں ہیں ‘‘۔زخمی نوجوان نے اپنے بیان میں کہا کہ ’’بابا جی جلال میں ہوتے تھے تو گالیاں بھی دیتے تھے اور بابا جی کے بچے ہمارے پاس ہوتے اور کہتے تھے تم لوگ انہیں زہر دیتے ہو‘‘۔زخمیوں کے مطابق انہیں کچھ پتا نہیں چلا کہ اچانک ان کے ساتھ کیا ہو گیا۔