سرگودھا (مانیٹرنگ ڈیسک) الیکشن کمیشن نے درگاہ علی محمد گجر میں 20 افراد کو موت کے گھاٹ اتارنے والے ملزم عبدالوحید سے لاتعلقی کا اعلان کرتے ہوئے کہا ہے کہ وہ ڈیڑھ سال قبل ریٹائر ہو گیا تھا۔تفصیلات کے مطابق ڈپٹی کمشنر سرگودھا لیاقت علی چٹھہ نے ملزم عبدالوحید سے متعلق انکشاف کیا تھا کہ وہ الیکشن کمیشن کا ملازم ہے اور درگاہ
علی محمد گجر کا متولی ہے جو لوگوں کو دم درود کرتا تھا۔ ملزم درگاہ پر سائلین کو روحانی درس دیتا تھا اور انہیں گناہوں سے پاک کرنے کیلئے برہنہ کر کے دھمال ڈالنے کیلئے اکساتا تھا۔الیکشن کمیشن سرگودھا نے اس معاملے پر وضاحت جاری کر دی ہے اور کہا ہے کہ ملزم اس وقت الیکشن کمیشن کا ملازم نہیں ہے کیونکہ وہ ڈیڑھ سال پہلے ریٹائر ہو گیا تھا۔
