اسلام آباد(مانیٹرنگ ڈیسک)خراب ملکی سیاست کو درست کرنے کیلئے سیاست میں آیا، شوکت خانم والدہ کی وجہ سے بنایا جو مشن بن گیا، نمل یونیورسٹی میرا جنون ہے ، آکسفورڈ یونیورسٹی کی طرز پر نالج سٹی بنانا خواب ہے،  عمران خان کا نجی ٹی وی کو انٹرویومیں اظہار خیال۔ کپتان سے جب سوال پوچھا گیا کہ کیا آپ بتائیں گے تو نہیں کہ نواز شریف سمارٹ اور ہوشیار سیاستدان ہیں اور ان کی ملکی سیاست پر گرفت مضبوط ہے اور آپ سوچتے ہونگے کہ میں کہاں آکر پھنس گیا ،

تو جواب دیتے ہوئے عمران خان کا کہنا تھا کہ اگر ملک میں سیاست صحیح چل رہی ہوتی تو میں کبھی بھی سیاست میں نہ آتاکیونکہ میں فطری طور پر سیاستدان نہیں۔ چیئرمین پی ٹی آئی سے انٹرویو کے دوران جب سوال کیا گیا کہ آپ اگر سیاست میں نہ آتے تو پھر کیا کرتے تو ان کا کہنا تھامیرا جنون دراصل نمل یونیورسٹی ہے ، میں پاکستان میں آکسفورڈ یونیورسٹی طرز کی ایک یونیورسٹی قائم کرنا ہے جو کہ نالج سٹی ہو،والدہ کی وجہ سےشوکت خانم کینسر ہسپتال میری زندگی کا مشن بنا ۔

موضوعات:شوکت خانم عمران خان نمل یونیورسٹی