وزیر آباد(مانیٹرنگ ڈیسک) پاکستان تحریک انصاف وزیر آباد کے ضلعی صدر محمد احمد چٹھہ نے کہا ہےکہ پانامہ لیکس کا فیصلہ محفوظ کر لیا گیا ہے اور کسی بھی وقت سنایا جا سکتا ہے۔ پانامہ لیکس کے فیصلے سے ملک کی نئی سیاسی تاریخ رقم ہو گی۔محمد احمد چٹھہ نے کہا کہ مسلم لیگ (ن) کے 29 اراکین اسمبلی سے تحریک انصاف میں شمولیت پر بات چیت مکمل ہو چکی ہے اور ان 29 اراکین نے اس بات کا عندیہ دیا ہے کہ

وہ جلد تحریک انصاف میں شامل ہو جائیں گے۔ ان 29 اراکین کو پانامہ کیس کے فیصلے کا انتظار ہے۔ محمد احمد چٹھہ نے کہا کہ پانامہ لیکس کا فیصلہ ملکی سیاست میں شدید بھونچال لے آئے گا۔ اگلے الیکشن کیلئے تحریک انصاف نے بھرپور تیاری کی ہے اور تحریک انصاف نے آمدہ الیکشن لازمی جیتنا ہے۔ انہوں نے کہا کہ عوام اپنے اور اپنے بچوں کے مستقبل پر نظر رکھیں اور کسی جھوٹے اور بے بنیاد پراپیگنڈے سے متاثر نہ ہوں۔

موضوعات:تحریک انصاف مسلم لیگ ن