پنڈی گھیب/اسلام آباد (آئی این پی )تحریک انصاف اٹک کے رہنما اورممبرایگزیکٹوکمیٹی ملک سہیل کمڑیال نے کہاہے کہ تحریک انصاف آئندہ الیکشن میں کسی سے اتحاد نہیں کرے گی‘عمران خان نے پی ٹی آئی کو ملاقات کے دوران بتا دیا کہ میجر طاہر صادق گروپ سے اتحاد کے باعث پارٹی کو ضلع اٹک میں کتنا نقصان ہوا‘اگر کسی نے الیکشن لڑنا ہوا تو وہ پارٹی کے نشان بلے سے ہی لڑے گا۔وہ یہاں میڈیا سے بات چیت کر رہے تھے۔
ملک سہیل کمڑیال نے بتایا کہ ان کی بنی گالہ میں عمران خان سے ملاقات ہوئی ہے اور اٹک کی سیاسی صورت حال پر تبادلہ خیال کیا ہے ۔ملک سہیل نے عمران خان کو واضح بتا دیا کہ میجر طاہر صادق سے اتحاد سے پارٹی کو کتنا نقصان پہنچا ،عمران خان نے کہا کہ آئندہ آنے والے الیکشن میں پی ٹی آئی کسی پارٹی سے اتحا د نہیں کرے گی ‘اگر کسی نے الیکشن لڑنا ہوا تو وہ پارٹی کے نشان بلے سے ہی لڑے گا ،ملک سہیل کمڑیال نے مزید بتایا کہ پارٹی چارج شیٹ کے بارے میں گمراہ کن پراپگنڈہ کیا گیااگر میری رکنیت معطل ہوتی تو قائد تحریک انصاف سے ون ٹو ون 45منٹ کی ملاقات نہ ہوتی انہوں نے کہا کہ آ ئندہ پا کستان تحریک انصاف کا اگر اٹک جلسہ ہوتا اچھاہوتا ۔اتحاد اتحاد کرنے والوں کی اصلیت کھل کر سامنے آجاتی میں اب اگراٹک میں جلسہ ہوا تو وہ خالصتاً پی ٹی آئی کا ہی ہو گا کسی کو غلط فہمی میں نہیں رہنا چاہئیے۔ملک سہیل کمڑیال نے کہاہےعام انتخابات میں کسی سے بھی اتحاد نہیں کریںگے ،انہوں نے کہاکہ عمران خان نے تحریک انصاف کی قیادت کوبھی بتادیاہے کہ میجر طاہر صادق گروپ سے اتحاد کے باعث پارٹی کو ضلع اٹک میں کتنا نقصان ہوا‘اگر کسی نے الیکشن لڑنا ہوا تو وہ پارٹی کے نشان بلے سے ہی لڑے گے۔انہوں نے کہاکہ تحریک انصاف کااپناووٹ بینک ہے جس کےلئے کسی بیساکھی کی ضرورت نہیں ہے ۔ا نہوں نے کہاکہ جوبھی ہمارے ساتھ اتحادکرے گاوہ ہماری شرائط پرکرے گا۔
