اسلام آباد(آئی این پی)وزیرمملکت اطلاعات مریم اورنگزیب نے کہا ہے کہ عمران خان کی شوکت خانم پر سیاست مایوس کن ہے،1990میں نوازشریف جب وزیراعلیٰ تھے تو عمران خان کو شوکت خانم کیلئے زمین دی،شوکت خانم پاکستان کیلئے فخر ہے اور محمد نوازشریف کا تحفہ ہے،عمران خان جھوٹ بول کر حقیقت اور تاریخ نہیں بدل سکتے۔جمعرات کو اپنے بیان میں مریم اورنگزیب نے کہاکہ عمران خان کی شوکت خانم پر سیاست مایوس کن ہے،عمران خان اگر احسان مند نہیں ہوسکتے تو احسان فراموش نہ ہوں،1990میں نوازشریف جب وزیراعلیٰ تھے تو عمران خان کو شوکت خانم کیلئے زمین دی اس لیے نواز شریف کا شوکت خانم کی تعمیر میں قلیدی کردار ہے ۔ نوازشریف نے شوکت خانم کی ساری مشینری کو ڈیوٹی فری کردیا،محمد نوازشریف نے اتفاق ہسپتال کی ساری مشینری پر ڈیوٹری دی۔انہوں نے کہاکہ عمران خان جھوٹ بول کر حقیقت اور تاریخ کو نہیں بدل سکتے،عمران خان کی والدہ اچھی خاتون تھیں جن کے نام پر شوکت خانم کا نام رکھا تھا،عمران خان اپنی والدہ کے ساتھ زیادہ وقت گزار لیتے تو آج بہتر انسان ہوتے،شوکت خانم پاکستان کیلئے فخر ہے اور محمد نوازشریف کا تحفہ ہے۔