کراچی (نیوزڈیسک)عوامی مسلم لیگ کے سربراہ شیخ رشید نے کہاہے کہ ایسا لگتا ہے ملک نئے الیکشن کی طرف جارہا ہے، خورشید شاہ فارغ ہوکر پچھلے بنچوں پر ہوں گے۔انہوں نے کہاکہ اپوزیشن کی قیادت بلاول بھٹوزرداری کو سونپی جائے گی۔ایک نجی ٹی وی سے گفتگوکرتے ہوئے شیخ رشید نے پیپلزپارٹی کے گڑھی خدابخش کے جلسے پرردعمل دیتے ہوئے کہاکہ آصف علی زرداری احتجاجی تحریک کے حوالے سے واضح موقف نہیں دے سکے تاہم انہوں نے تخت رائے ونڈ سے فاصلہ اختیارکرلیاہے۔
شیخ رشید نے کہاکہ بلاول بھٹو کی تقریر کافی بہتر تھی، پیپلزپارٹی فعال ہونے جارہی ہے۔شیخ رشید نے مزید کہا کہ ایسا لگ رہا ہے ملک نئے الیکشن کی طرف جارہا ہے، آصف زرداری طے شدہ پلان کے مطابق واپس چلے جائیں گے اور بلاول بھٹو زرداری پاکستان میںہی رہیں گے۔انہوں نے کہاکہ آصف علی زرداری بلاول بھٹو کو گائیڈلائن دیں گے۔
