پشاور(مانیٹرنگ ڈیسک) پی آئی اے کے طیارے میں آتشزدگی جس کے باعث پروازکی پشاورایئرپورٹ پرہنگامی لینڈنگ کی گئی۔تفصیلات کے مطابق پی آئی اے کی پشاورسے کراچی آنے والی پروازمیں آگ لگ گئی۔پی آئی اے کی پروازپی کے353 میں قومی کرکٹرشاہدآفریدی بھی سفرکررہے تھے۔تاہم آگ لگنے کے بعدطیارے کی پشاورایئرپورٹ پرہنگامی لینڈنگ کی گئی ہے۔
جبکہ ائرپورٹ پرآگ بجھانے کی کوشش شروع کردی گئی ہے۔طیارے میں آگ لگنے کی وجوہات کے بارے میں معلوم ہوا ہے کہ آگ طیارے کے عقبی حصے میں شارٹ سرکٹ کے باعث لگی ہے۔ذرائع کے مطابق اس طیارے کوخالی کرالیاگیاہے جبکہ طیارے میں سوارپاکستانی کرکٹرشاہد آفریدی اورتحریک انصاف کی ارکان صوبائی اسمبلی یاسین خلیل، دینا ناز، زاہد درانی اور آمنہ سرداربھی موجود تھےجبکہ ان ان اعلی شخصیات سمیت تمام مسافرمحفوط ہیں ۔
