اسلام آباد(مانیٹرنگ ڈیسک) ریئر ایڈمرل پاک بحریہ وسیم اکرم نے پاک بحریہ کے وائس ایڈمرل کا عہدہ سنبھال لیا۔ تفصیل کے مطابق ترجمان پاک بحریہ نے کہا ہے کہ ریئر ایڈمرل پاک بحریہ کو وائس ایڈمرل کے عہدے پر ترقی دے دی گئی ہے ۔ وائس ایڈمرل وسیم اکرم نے انیس سو بیاسی میں پاک بحریہ کی آپریشنزبرانچ میں کمیشن حاصل کیا۔ وہ کئی اہم کمانڈ اینڈ اسٹاف عہدوں پرفائز رہ چکے ہیں۔وسیم اکرم پاک نیوی وارکالج، تْرک اسٹاف کالج اور نیشنل ڈیفنس یونیورسٹی کیگریجویٹ ہیں۔انہیں ہلا ل امتیاز(ملٹری) اورستارہ بسالت سے نوازا جا چکا ہے۔ وسیم اکرم کا شمار پاک بحریہ کے انتہائی پیشہ وارانہ اعلیٰ افسران میں ہوتا ہے اور وہ مختلف مواقعوں پر کارہائے نمایاں بھی سر انجام دے چکے ہیں۔ واضح رہے کہ گزشتہ دنوں پاک بحریہ نے پاکستانی حدود میں گھسنے کی کوشش کرنے والی بھارت آبدوز کو ناکوں چنے چبواتے ہوئے واپس دھکیل دیا تھا۔

موضوعات:پاک بحریہ وسیم اکرم