اسلام آباد(سپیشل رپورٹ) وفاقی انتظامیہ نے تحریک انصاف سے 2نومبرکویوم تشکرمنانے کے اعلان کے بعد گارنٹی مانگی ہے کہ تحریک انصاف کی سرگرمیاں پریڈگرائونڈتک محدود رہیں گی۔جبکہ تحریک انصاف کی اسلام آبادمیں 2نومبرکی سیاسی سرگرمیوں کی گارنٹی خیبرپختونخواکے وزیراعلی پرویزخٹک نے دید ی ہے ۔انتہائی معتبرذرائع سے معلوم ہواہے کہ وزیراعلی پنجاب شہبازشریف اوروزیراعلی خیبرپختونخواپرویزخٹک کے درمیان ایک اعلی سطح کارابطہ ہواجس میں کے پی کے وزیراعلی پرویزخٹک نے شہبازشریف کوگارنٹی دی
کہ تحریک انصاف کی 2نومبرکی سیاسی سرگرمی مکمل طورپرپرامن ہوگی اورکسی بھی صورت تحریک انصاف اوراس کے کارکنان وفاقی انتظامیہ کی طرف سے دیئے گئے ضابطہ اخلاق کی خلاف ورزی نہیں کریں گے جبکہ تحریک انصاف کے رہنماکوصرف اپنی اس سیاسی سرگرمی کے دوران حکومت پرتنقید کرنے کی اجازت ہوگی ۔اس سارے معاملے کی پرویزخٹک نے شہبازشریف کوگارنٹی دی جس کے بعد اسلام آباد میں آنے والے راستوں سے رکاوٹیں ہٹانے کاسلسلہ شروع ہوگیاہے جبکہ دوسری طرف تحریک انصاف نے اپنے شیڈول کوضابطہ اخلاق کے مطابق بنانے کی شرط پوری کرتے ہوئے ضلعی انتظامیہ کودرخواست دیدی ہے کہ تحریک انصاف کوکل 2نومبرکوپریڈگرائونڈمیں جلسہ کرنے کی اجازت دی جائے ۔ذرائع کاکہناہے کہ وفاقی انتظامیہ پرویزخٹک کی گارنٹی کے بعد اب درخواست پرقانون کے مطابق کارروائی کرے گی اورتحریک انصاف کل 2نومبرکوپریڈگرائونڈمیں جلسہ کرسکے گی جبکہ اس جلسہ میں حکومت کی طرف سے دی گئی شرائط پربھی مکمل طورپرعمل کیاجائے گا۔
