اسلام آباد(مانیٹرنگ ڈیسک) سینئرسیاستدان مخدوم جاوید ہاشمی نے کہاہے کہ اسلام آباد میں احتجاج کے معاملے پرعمران خان وکٹری سٹینڈپرنہیں پہنچ سکے ہیں ۔میڈیاسے گفتگوکرتے ہوئے مخدوم جاوید ہاشمی نے کہاہے کہ اسلام آباد میں احتجاج کے معاملے پرعمران خان وکٹری سٹینڈپرنہیں پہنچ سکے ہیں اورآج توعمران خان نے معاملہ ہی اس طرح کردیاہے جیساکہ وہ پانامالیکس پرجواب ہی مانگناچھوڑدیاہے ۔مخدوم جاوید ہاشمی نے کہاکہ پانامالیکس کے معاملے کوایک نہ ایک دن پایہ تکمیل تک پہنچاناہوگاتاکہ ملک میں جمہوری استحکام آئے ۔انہوں نے کہاکہ تحریک انصاف کے مشیروں نے عمران خان کووکٹری سٹینڈپرنہیں پہنچنے دیا۔
مخدوم جاوید ہاشمی نے کہا کہ عمران خان کے پش اپ سے نوجوان متاثر ہو سکتے ہیں، سیاست دان نہیں، عمران خان نے جیل میں راتیں گزارنے سے بچنے کیلئے پہلے ہی ہار مان لی۔ مخدوم جاوید ہاشمی کا کہنا تھا کہ عمران خان کو اب سمجھ جانا چاہیئے کہ یہ کرکٹ نہیں سیاست ہے،سیاست میں کھلاڑیوں کی ضرورت نہیں ہوتی، پش اپس سے شاید نوجوان متاثر ہوتے ہوں گے، مگر جمہوری طور طریقے رکھنے والے اور سیاست دان نہیں۔جاوید ہاشمی نے کہاکہ عمران خان وکٹری اسٹینڈ پر پہنچے نہیں اور یوم تشکر منایا جا رہا ہے،کوئی عمران سے پوچھے کہ یہ یوم تشکر کس بات کا جب ان کی نہ جیت ہوئی نہ بات مانی گئی، ایک رات جیل جانا عمران خان سے برداشت نہیں ہو سکتا تھا، احتساب کیلئے اسمبلی کا فورم استعمال کیا جائے۔