اسلام آباد(مانیٹرنگ ڈیسک) وزیراعلیٰ پنجاب میاں شہباز شریف نے وزیراعلیٰ خیبر پختونخوا پرویز خٹک سے ٹیلی فون پر رابطہ کرکے کہا کہ آپ میرے دوست ہیں میرے بارے میں آپ کیسی باتیں کررہے ہیں ۔ وزیراعلیٰ پرویز خٹک نے کہا کہ ایک چور میرا دوست نہیں ہوسکتا اس پر وزیراعلیٰ پنجاب سے کوئی جواب نہ بن پایا تو انہوں نے فون بند کردیا ۔ بعد ازاں وزیراعلیٰ خیبر پختونخوا نے میڈیا سے گفتگو کرتے ہوئے کہا کہ ہم سب اپنے لیڈر عمران خان کے ساتھ ہیں چوروں اور ڈاکوؤں کو کٹہرے میں لا کر دم لیں گے ہم پر زہریلی آنسو گیس کی شیلنگ ایسے کررہے ہیں جیسے مقبوضہ کشمیر میں ہندو مسلمانوں پر کررہے ہیں ہمارا عزم پختہ ہے اور ہم اپنے قائد کی کال پر بنی گالہ پہنچیں گے اور ڈاکوؤں کا احتساب کرینگے .
دوسری جانب تحریک انصاف کا دھرنا موخر ہونے پر پولیس اہلکاروں میں خوشی کی لہر دوڑ گئی ہے ، برہان انٹر چینج سے ایف سی اہلکار واپس چلے گئے ہیں ۔تفصیلات کے مطابق منگل کے روز تحریک انصاف کی جانب سے دو نومبر کا دھرنا موخر کئے جانے کے باعث حکومت نے تمام بند راستے کھولنے کے احکامات جاری کردیئے ہیں حکومت نے تمام بند راستوں سے کنٹینرز ہٹانے کا حکم بھی دیدیا ہے تحریک انصاف کا دھرنا موخر ہونے پر ایف سی اور پولیس اہلکار بھی خوش ہوئے اور ایک دوسرے سے گلے ملتے رہے برہان انٹر چینج سے ایف سی اہلکار واپس چلے گئے ہیں ۔

موضوعات:پرویز خٹک شہباز شریف