پشاور(این این آئی)وزیراعظم کے مشیرانجینئرامیرمقام نے کہاہے کہ خیبرپختونخواہ کے باشعورعوام نے لاہورکادھرنامکمل طورپرمستردکردیا،پشاورسے پی ٹی آئی کے دھرنے میں شرکت کرنے والوں کیلئے کرایہ پرلینے والے تمام بگیاں اپنے منزل پرخالی پہنچی۔ انہوں نے کہاکہ حکمرانوں کا صوبے کے عوام کودرپیش مسائل پس پشت ڈال کرلاہورمیں بلامقصدمشن کیلئے جانا خیبرپختونخواہ کیساتھ مذاق ہے، پورے پاکستان سے رائیونڈمارچ کوکامیاب کرانے کیلئے خیبرپختونخواہ حکومت کی تمام مشینری اورغریب عوام کے وسائل بروئے کار لائے جارہے ہیں مگرہاتھ کچھ نہیںآیا،خان صاحب صرف اقتدارکی خاطر یاجوج ماجوج بن کرمیدان میں اترے ہیں،خان صاحب ہمارے ایک قومی حلقے جتنے عوام بھی اکٹھانہ کرسکے۔ان خیالات کااظہارانہوں نے اپنے دفترواقع اسلام آبادمیں بونیرکی وفدسے ملاقات کے دوران کیا۔ اس موقع پرعوامی نیشنل پارٹی کے دواہم رہنمااحتشام الحق اورظفرعلی ویلج ناظم بھی اپنے سینکڑوں ساتھیوں سمیت مسلم لیگ (ن)میں شمولیت اختیارکی۔انجینئرامیرمقام نے کہاکہ ایک طرف پاکستان بارڈرپرکشیدہ صورتحال ہیں ،کشمیرمیں انسان سوزمظالم جبکہ دوسری طرف لاہورمیں پی ٹی آئی نے بنگڑوں کاانعقادکیاہے جوپاکستان کے امیج پرنفی اثرات مرتب کررہاہے۔انہوں نے کہاکہ پارٹی میں شامل ہونیوالے کسی اثاثے سے کم نہیں پارٹی میں انہیں قدرکی نگاہ سے دیکھاجائیگااورانہیں باعزت مقام دینگے۔ اس موقع پرمسلم لیگی رہنما ممبر باچا،امین اللہ،لیاقت خان، امیرزیب خان اوردیگررہنما بھی موجودتھے۔انہوں نے کہاکہ بہت جلدبونیرکادورہ کرکے بونیرکی ترقی اور عوام کی فلاح وبہودکیلئے کئی اہم اعلانات کروں گا۔