لاہور (مانیٹرنگ ڈیسک)بھارتی ڈراموں پر پابندی کی قرارداد پنجاب اسمبلی میں جمع کرادی گئی، قرارداد مسلم لیگ ق کے رکن عامر سلطان چیمہ نےجمع کرائی، قرارداد میں کہا گیا کہ بھارتی ڈراموں کی پاکستان میں نمائش پر مکمل پابندی ہونی چاہئے، موجودہ صورتحال کے پیش نظر بھارت سے ثقافتی تعلقات ختم کئے جائیں۔مسلم لیگ ق نے بھارتی ڈراموں کی نمائش پر پابندی لگانے اور بھارت سے ثقافتی تعلقات ختم کرنے کا مطالبہ کردیا۔ق لیگ کے ایم پی اے عامر سلطان چیمہ کی جانب سے پنجاب اسمبلی میں قرارداد جمع کرائی، جس میں کہا گیا ہے کہ بھارت لائن آف کنٹرول پر بلااشتعال فائرنگ کر رہا ہے، بھارتی جارحیت کیخلاف انڈین ڈراموں پر پابندی لگائی جائے۔ قرارداد میں مطالبہ کیا گیا کہ موجودہ صورتحال کے پیش نظر بھارت سے ثقافتی تعلقات ختم کئے جائیں۔