لاہور(مانیٹرنگ ڈیسک)بھارت کی طرف سے ایل اوسی پرفائرنگ کے بعد تحریک انصاف نے بھی بھارت کوسخت جواب دینے کااعلان کردیاہے ۔ایک نجی ٹی وی کے مطابق پی ٹی آئی کے وائس چیرمین شاہ محمودقریشی نے کہاہے کہ قو م اورسیاسی قیادت پاک فوج کے ساتھ کھڑی ہے ۔انہوں نے اعلان کیاکہ بھارت کویہ پیغام دینے کےلئے کہ ہمارامقابلہ کرنے کی کوشش نہ کروورنہ بڑا نقصان کھاﺅ گے ۔انہوں نے کہاکہ وہ بھارت کوجواب دینے کےلئے واہگہ بارڈرپرپرچم اتارنے کی تقریب میں شرکت کریں گے ۔انہو ں نے کہاکہ ہمارامقصدیہ ہے کہ بھارتی وزیراعظم نریندرمودی کومنہ توڑجواب دینے کےلئے واہگہ بارڈرپرپرچم اتارنے کی تقریب میں شرکت کریں گے ۔
پاک بھارت کشیدگی میں پیدا ہونے والی تازہ ترین صورت حال کے بعد عمران خان نے بھی ہنگامی بیان جاری کیا ہے ۔ عمران خان کا کہنا تھا کہ آج سے پہلے ہم نواز شریف کے خلاف ایک پیغام دنیا کو دینے جار ہے تھے مگر کل سے ہم نہ صرف پاکستانی وزیراعظم بلکہ بھارتی وزیراعظم کے خلاف بھی دنیا کو سخت پیغام دیں گے ۔
عمران خان کا کہنا تھا کہ دنیا دیکھے گی کہ ہم بھارت کو یہ واضح پیغام دیں گے کہ بھارتی حکومت کی جانب سے جو یہ سمجھا جا رہا ہے پاکستان میں سیاسی بحران ہے اور وہ اس کا فائدہ اٹھا سکتا ہے مگر بھارت کو کل ہم پیغام دیں گے کہ یاد رکھے گا۔ عمران خان نے مزید کہا کہ نہ جانے کیا بات ہے کہ جب بھی ہم وزیر اعظم نواز شریف کے خلاف کوئی بھی احتجاج کرنے جاتے ہیں دہشت گردی کا کوئی واقعہ ہو جاتا ہے یا بھارت کی جانب سے چھیڑ چھاڑ ہو جاتی ہے ۔
