کراچی(این این آئی)پاکستان سنی تحریک علماء بورڈ کے تین سو جیدعلماء مشائخ ومفتیان کرام نے پاکستانی حکومت سے بھارت کیخلاف اعلان جہادکرنیکامطالبہ کردیا، مرکزاہلسنّت سے جاری کردہ علماء ومشائخ ومفتیان کرام کے مشترکہ شرعی اعلامیہ میں کہا گیاکہ غاصب اورظالم بھارتی حکومت نے کشمیری مسلمانوں پر عرصہ حیات تنگ کردیاہے،عوتوں ، بچوں اوربوڑھوں سمیت نہتے کشمیریوں پرریاستی جبراورظلم کی انتہاہوگئی ہے،پاکستانی قوم کو دہشتگردی کانشانہ بنانے اور پاکستان کو غیرمستحکم کرنے کی سازشوں میں بھارتی ہاتھ کارفرماہے،کنٹرول لائن پرکشیدگی اوربھارتی آبی جارحیت پرکوئی سمجھوتانہ کیاجائے، بھارت تمام تراخلاقی اورانسانی حدودسے تجاوزکرچکاہے، اندریں حالات شرعی طورپر بھارت کی ظالم حکومت کیخلاف جہادفرض ہوچکاہے،پاکستانی حکومت کو چاہیے کہ اپنی بھرپور ایمانی اوربدنی قوت کیساتھ بھارت کے خلاف اعلان جہاد کرے ، پوری قوم پاک فوج کے ساتھ کھڑی ہوگی،اس سلسلے میں سربراہ پاکستان سنی تحریک محمدثروت اعجازقادری کاکہناتھاکہ پاکستان ریاست مدینہ کا عکس جمیل ہے جس کی حفاظت عبادت سے کم نہیں ہے،ارض پاک کلمہ طیبہ کی بنیا د پر بنا جو قیامت تک قائم و دائم رہے گا،عالمی استعماراپنے تمام تروسائل کیساتھ مسلمانوں کے خلاف برسرپیکارہوچکاہے،بدی کے مقابلے میں نیکی کی قوت کا میدان میں نکلنا دینی فریضہ ہے،ظالموں کو سبق سکھانے کا وقت آ گیا ہے،ہمیں اپنے حقوق کیلئے عَلم جہادبلندکرناہوگا،حکومت اسلامی قونین کے اجراء اورنفاذکے حوالے سے اپنی آئینی وشرعی ذمہ داریاں پوری کرے،آزادی کشمیر کایہ بہترین وقت ہے،مسلمان غزوہ ہند کی تیاری کریں، کشمیر میں ہونیوالے مظالم اور بربریت کو روکنے کیلئے اور کشمیری دخترانِ اسلام کی داد رسی کیلئے پاکستانی حکومت پاک فوج کو مقبوضہ وادی کی طرف پیش قدمی کی جازت دے،انشاء اللہ!اللہ کی نصرت اورفتح ہمارامقدربنے گی، اعلامیہ جاری کرنیوالے علماء ومشائخ ومفتیان کرام میں مفتی لیاقت علی رضوی،پیرمحمدداؤدرضوی،پیر وسیم الحسن شاہ ایڈوکیٹ،ڈاکٹرطیب رضاالمدنی، علامہ مجاہدعبدالرسول خان،ڈاکٹرحبیب الرحمن، مفتی عبدالمصطفیٰ نوشاہی،مفتی عبدالغفار،مفتی کامران مسعود، علامہ عطاء الرحمن دھنیال، علامہ طاہراقبال چشتی،علامہ وسیم عباسی، علامہ نثار الرحمن،پیرغوث رضاقادری،مفتی فاروق قادری،مفتی گلزاراحمدصدیقی،مفتی جمال الدین نجمی،مفتی حبیب رضوی ودیگرکے نام شامل ہیں۔

موضوعات:اعلامیہ بھارت