راولپنڈی( این این آئی)کلرسیداں میں بارات روانہ ہونے سے کچھ دیر قبل دلہا نے کنپٹی پر گولی مار کرخود کشی کرلی،افسوس ناک واقعے سے پورے علاقے کی فضاء سوگوار ہوگئی۔ پولیس کے مطابق 25 سالہ دلہا شعبان نے بارات روانہ ہونے سے کچھ ہی دیر قبل کنپٹی پر گولی مار کر زندگی کا خاتمہ کر لیا۔ پولیس کے مطابق بارات سے پہلے شعبان کے والد اور چچا کے درمیان جھگڑا ہوا تھا جس سے دلبرداشتہ ہو کر دلہا نے خود کشی کی۔ پولیس نے ضابطے کی کارروائی کیلئے شعبان کی لاش مقامی ہسپتال منتقل کر دی جہاں پوسٹ مارٹ کے بعد لاش لواحقین کے حوالے کردی گئی۔واقعے کے بعد خوشیوں بھرا گھر میں صف ماتم بچھ گئی اور پورے علاقے کی فضاء سوگوار ہو گئی ہے۔